الوحي لأحمد عثمان

– أنا الحبيس، حبيس نفسي، حبيس شيطاني، بخاف منه جدًّا، الشيطان اللي جوايا، اللي ممكن يهد الدنيا كلها، عارف إنه ذكي، وعارف إني طيب، ومش عارف مين فينا اللي هايعيش، ومين هايفضل حبيس.
سكت مرة أخرى لحظة ومسح عرقه.
– أقدر أقول إن كل واحد منا جواه حبيس، زي اللي مستني “الوحي” ينزل عليه، “الوحي” اللي بييجي يا في صورة ملاك، يا في وسوسة شيطان، يمكن يكون لكل واحد منا قرين، أو هما في الحقيقة اتنين؛ واحد دايمًا راضي باللي انت فيه دلوقتي، والتاني دايمًا عايزك تروح في الاتجاه التاني، ممكن الوِحش يصبح كويس، وممكن الطيب يمسي شيطان. كل واحد فينا فيه دايمًا جواه حبيس.نظر داخل كل منهم وقال:
– إنتوا عارفين الشيطان اللي جوايا ممكن يعمل إيه؟
قالها قبل أن يسكت وينظر إلى القط الذي كان يجلس على الكرسي الأخير نظرة إعجاب.